يالله … وش كثرك بصدري !!
2010/04/12
“ يالله ؛ وش كثرك بصدري !! “
كذا , بالعامي , من غير حركات ولا كلمات أنيقة ولا حكي مرتب , وقدام كِل الناس !
تعبت من كثر ما أتلمس صورتك وصورتك ذبلت من تنهيداتي , أبي أجلس معك شوي , شوي طويلة حبتين , أحط أيدي على خدك , وأطالع فيك وأسرح شوي , وبعد هالـ شوي أقولك ” يالله ؛ يالله … وش كثرك بصدري !” وش كبرك وش زينك وحرام عليك !
وحياة ربنا حرام عليك , حرام عليك توديني للسما وتروح وتتركني ع الأرض , أناظر السما وأحكي للناس وأقولهم أني كنت فوق , وربي كنت فوق ألعب بين السحاب , وأرقص مع المطر , والقمر يحرسني طول الليل والشمس شوي شوي تجي علي عشان ما تجرح فرحي , حرام عليك تروح وتخليني أناظر وأناظر لوحدي , وكل ما ناظرت لو حدي كِل ما صرخت بصورتك ” غيرك ما أبي , أنت وبس ولا ما أبي شي “ !
تعال شوي , رتبني وروح , رجعني لمكاني زمان وروح , خذك من صدري وروح , شيلك من عيني وروح , أكذب علي وقول أنك ما شفتني ولا أخذتني , ولا وديتني للسما , قلي ولو بالكذب إنك غلطت فيني وضيعتني بين عناوين الشوارع .
بس قبل لا تروح , قبل لا تغيب , خذني معك ولا تردني !
Advertisement
